انٹرنیٹ کی سروس کب بحال ہوگی؟ صارفین کیلئے بری خبر | سہارا نیوز پاکستان

 

ٹیلی کام ذرائع کا کہنا ہے کہ موبائل نیٹ ورک بحالی کا کوئی اشارہ نہیں ملا، احکامات ملتے ہی ملک میں انٹرنیٹ بحال کر دیا جائے گا۔ | ڈاکٹر سید ناصر سہارا نیوز پاکستان 

میڈیا رپورٹس کے مطابق چیف ایگزیکٹو آفیسر (سی ای او) ٹیلی کام کمپنی عامر ابراہیم نے حکومت سے مطالبہ کیا کہ انٹرنیٹ فوری کھولا جائے۔

انہوں نے مزید کہا کہ حکومت کو بھی سمجھنا چاہیے کہ انٹرنیٹ سے معیشت چلتی ہے۔

اس سے قبل پی ٹی اے نے ملک میں انٹرنیٹ کی بندش پر بیان جاری کرتے ہوئے کہا تھا کہ ملک میں انٹرنیٹ سروس کی بندش غیر معینہ مدت کے لیے ہے۔

پی ٹی اے کا کہنا ہے کہ انٹرنیٹ سروس محکمہ داخلہ کی درخواست پربند کی گئی ہے۔

واضح رہے کہ چیئرمین پی ٹی آئی عمران خان کی گرفتاری کے بعد سے ملک بھر میں انٹرنیٹ سروس متاثر ہے اور مختلف شہروں میں انٹرنیٹ سروس مکمل بند ہے۔