سہارا نیوز پاکستان کی رپورٹ کے مطابق پنجاب کے شہر ساہیوال میں سی ٹی ڈی نے کاروائی کرتے ہوئے مبینہ دہشت گرد کو گرفتار کر لیا ہے،
سی ٹی ڈی کا دہشت گردوں کیخلاف آپریشن جاری ہے ، ساہیوال میں سی ٹی ڈی نے کاروائی کی ہے اور اس دوران دہشت گرد کو گرفتار کیا گیا ہے، سی ٹی ڈی نے 135/9L نہر کے قریب کارروائی کرتے ہوئے مبینہ دہشت گرد سے دھماکہ خیز مواد برآمد کیا ،دہشت گرد کا تعلق کالعدم دہشتگرد تنظیم بلوچستان لبریشن آرمی سے تھا ،دہشت گرد کی شناخت نام خرم علی ولد عمار علی قوم ببر جٹ کے نام سے ہوئی ، دہشتگرد کا تعلق چوٹی زیریں ضلع ڈیرہ غازی خان سے ہے دہشتگرد کے خلاف تھانہ سی ٹی ڈی ساہیوال میں مقدمہ درج کرلیا گیا
قبل ازیں 23 نومبر کو سی ٹی ڈی نے اسلام آباد اور راولپنڈی میں دو اہم کاروائیوں کے دوران کالعدم تنظیم داعش کے دو دہشت گرد گرفتار کر لئے محکمہ انسداد دہشت گردی (سی ٹی ڈی) پنجاب نے راولپنڈی،اسلام آباد میں دو اہم کاروائیاں کیں، اورکالعدم تنظیم داعش کے انتہائی مطلوب کمانڈر خالد ، محمد نبی سمیت دو دہشت گرد گرفتار کر لئے، سی ٹی ڈی پنجاب نے خفیہ اطلاع پر کاروائی کرتے ہوئے کالعدم تنظیم داعش کے انتہائی مطلوب کمانڈر خالد محمد نبی کو گرفتار کر لیا۔مبینہ دہشت گرد کمانڈر خالد، محمد نبی نے جعلی نام سے پاکستانی شناختی کارڈ بنوا رکھا تھا ۔مبینہ دہشت گرد کے قبضہ سے بھاری مقدار میں دھماکہ خیز مواد برآمد کر لیا گیا،دھماکہ خیز مواد کو راولپنڈی میں تخریبی سرگرمیوں میں استعمال کیا جانا تھا۔