فٹبالز کے ذریعے کروڑوں روپے کی ہیروئن بیرون ملک سمگل کرنے کی کوشش ناکام (سہارا نیوز پاکستان)

 

اسلام آباد انٹرنیشنل ایئرپورٹ پر پاکستان کسٹمز کی کارروائی کروڑوں روپے کی ہیروئن بیرون ملک سمگل کرنے کی کوشش ناکام بنا دی گئی، ڈاکٹر سید ناصر (نامہ نگار) سہارا نیوز پاکستان 

اے این ایف کی جانب سے کلیئر کیا گیا سامان کسٹمز نے پکڑ لیا، ہیروئن کی بڑی کھیپ کھیلوں کے سامان میں چھپائی گئی تھی،7 اعشاریہ 7 کلو گرام اعلیٰ کوالٹی کی ہیروئن فٹبالز میں چھپائی گئی تھی،پکڑی گئی ہیروئن کی مالیت ساڑھے 11 کروڑ روپے سے زائد ہے،منشیات سے بھرا سامان 37 کاٹنز کے زریعے کارگو سے بک کرایا گیا، گرین جے ٹریڈنگ کی جانب سے سامان سیالکوٹ سے بذریعہ مانچسٹر بھجوایا جا رہا تھا،منشیات سے بھرے سامان انسداد منشیات فورس کا کاؤنٹر کلیئر کر چکا تھا،

محکمہ کسٹمز نے کاٹنز مشکوک جان کر دوبارہ سکین کیے،سکین کرنے پر سامان میں منشیات کی موجودگی کا انکشاف ہوا، سامان کھول کر معائنہ کرنے پر 3 کاٹنز میں رکھے فٹ بالز سے ہیروئن برآمد ہوئی،پاکستان کسٹمز نے ہیروئن قبضے میں لے کر مقدمہ درج کر لیا، مقدمہ درج کرنے کے بعد ملزمان کی گرفتاری کے لیے ٹیم تشکیل دے دی گئی، محکمہ کسٹمز نے منشیات سمگلرز کی گرفتاری کے لیے چھاپے مارنا شروع کر دیئے ہیں