لاہور : عمران خان، شبلی فراز سمیت 150 کارکنوں کے خلاف ریس کورس تھانے میں ایک اور مقدمہ درج | سہارا نیوز پاکستان

 



لاہور: (سہارا نیوز پاکستان) چیئرمین تحریک انصاف عمران خان، شبلی فراز سمیت 150 کارکنوں کے خلاف ریس کورس تھانے میں ایک اور مقدمہ درج کر لیا گیا۔


مقدمہ ایس ایچ او تھانہ سیکرٹریٹ اسلام آباد ندیم طاہر کی مدعیت میں درج ہوا، ایف آئی آر کے متن میں موقف اختیار کیا گیا ہے کہ ملزم عمران خان کی گرفتاری کیلئے پہنچے تو ڈنڈا بردار افراد نے گھیراؤ کر لیا، اسلام آباد پولیس کو سنگین نتائج کی دھمکیاں دی گئیں، ہجوم نے پولیس کو جان سے مارنے کی دھمکیاں دیں۔


ایف آئی آر کے متن میں مزید کہا گیا ہے کہ سابق وزیر نظم عمران خان نے باہم مشورہ کر کے ساری پلاننگ کی، ڈنڈا بردار افراد نے پولیس سے کہا ایک انچ بھی بڑھے تو مار دیں گے جبکہ پی ٹی آئی کے رہمناؤں اور کارکنوں کی جانب سے پولیس افسران و اہلکاروں کو تشدد کا نشانہ بھی بنایا گیا۔

ایک تبصرہ شائع کریں

Welcome To Sahara News Pakistan
Let Us Know Your Valuable Feedback Thanks.

جدید تر اس سے پرانی