انسداد دہشتگردی منتظم عدالت،شہر قائد کراچی کے علاقے گلستان جوہر میں شاہین فورس کے اہلکاروں کی فائرنگ سے شہری کی ہلاکت کا مقدمہ ،شارع فیصل پولیس نے گرفتار تین اہلکاروں کو عدالت میں پیش کردیا
شناخت پریڈ سے پہلے ہی اہلکاروں کو بغیر چہرہ ڈھانپے عدالت میں پیش کیا گیا. تفتیشی افسر نے عدالت میں کہا کہ ملزمان فیصل، شہریار اور ناصر شاہین فورس میں تعینات ہیں اہلکاروں نے پولیس مقابلے میں ایک ڈاکو کو ہلاک کرنے کا دعوی کیا، ابتدائی تفتیش میں اہلکاروں کا دعوی غلط ثابت ہوا،مقتول کے لواحقین کے ابتدائی بیان اور سی سی ٹی وی فوٹیج حاصل کرلئے ہیں،ملزمان کے سی آر او اور تفتیش کے لئے جسمانی ریمانڈ کی استدعا کی گئی، عدالت نے تینوں ملزمان کو 5 روزہ جسمانی ریمانڈ پر پولیس کے حوالے کردیا ،عدالت نے ملزمان کو دو جنوری کو پیش کرنے کا حکم دے دیا،عدالت نے آئندہ سماعت پر پولیس سے پیشرفت رپورٹ طلب کرلی