،سہارا نیوز پاکستان/ڈاکٹر سید ناصر کے مطابق پاکستان رینجرزسندھ اورپو لیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے قبرستان روڈ بنگالی پاڑہ سے ڈکیتی اور اسٹریٹ کرائم میں ملوث ملزم مرتضیٰ خاصخیلی کو گر فتار کر لیا۔ملزم کے قبضے سے ڈکیتیوں میں استعمال ہونے والا 30 بور پسٹل، 3 راؤنڈز، موٹر سائیکل اور موبائل فون بھی برآمد کرلیے گئے۔
دورانِ تفتیش ملزم نے کراچی کے مختلف علاقوں میں اسٹریٹ کرائم اور ڈکیتی کی 400 سے زائد وارداتوں میں ملوث ہونے کا اعتراف کیا ہے۔ملزم نے ڈکیتی اور اسٹریٹ کرائم کی وارداتوں کے دوران20 سے زائدموٹر سائیکلیں جبکہ 60سے زائد موبائل فون چوری کرنے اور چھیننے کا اعتراف کیا ہے۔ ملزم کے دیگر ساتھیوں کی گرفتاری کے لیے چھاپے مارے جا رہے ہیں۔
گرفتار ملزم کوبمعہ اسلحہ، ایمونیشن،موبائل فون اور موٹر سائیکل مزید قانونی کاروائی کے لیے پولیس کے حوالے کر دیا گیا ہے۔ عوام سے اپیل ہے کہ ایسے عناصر کے بارے میں اطلاع فوری طور پر قریبی رینجرز چیک پوسٹ، رینجرز ہیلپ لائن 1101 یا رینجرز مددگار واٹس ایپ نمبر 03479001111 پر کال یا ایس ایم ایس کے ذریعے دیں۔ آپ کا نام صیغہ راز میں رکھا جائے گا۔